Ծաղկաձոր լեռնադահուկային հանգստավայր – լավագույն վայրը Հայաստանում լեռնադահուկային սպորտաձևի սիրահարների համար։
Եթե Դուք որոշել եք անցկացնել Ձեր ձմեռային արձակուրդները Հայաստանում, ապա Ծաղկաձորում գտնվող լեռնադահուկային առողջարանը կլինի Ձեր լավագույն ընտրությունը։
Մտածում եք՝ ե՞րբ է լեռնադահուկային սպորտաձևով զբավելու իրական ժամանակահատվածը, ի՞նչ անել կամ ինչո՞վ զբաղվել Ծաղկաձորում, ո՞ր հյուրանոցը ընտրել։
Եկեք միասին պատասխանենք այս և այլ մի շարք հարցերի՝ բացահայտելով ամենահետաքրքիրը Ծաղկաձորի լեռնադահուկային հանգստավայրի մասին։
Ծաղկաձոր լեռնադահուկային առողջարան
Ծաղկաձոր լեռնադահուկային առողջարանը տեղակայված է Հայաստանում գտնվող Կոտայքի մարզի Ծաղկաձոր քաղաքի լեռնային հատվածում։ Այն հեռու է Երևան քաղաքից մոտավորապես 60կմ։
Ծաղկաձորը մշտապես եղել է լավագույն լեռնադահուկային հանգստավայրը Հայաստանում։ Հատկապես ձմռանը զբոսաշրջիկների համար Ծաղկաձորը համարվում է ամենանախընտրելի ուղղություններից մեկը Հայաստանում։
Անկասկած, բարենպաստ եղանակային պայմանները, գեղեցիկ լեռնային բնությունը, տեսարժան վայրերը, համեղ և հյուրընկալ խոհանոցը Ծաղկաձորում, այն դարձնում են լավագույն հանգստավայր և առողջարանային գոտի ոչ միայն Հայաստանում, այլև ամբողջ տարածաշրջանում։
Ծաղկաձորի Ճոպանուղի
Դահուկորդների և սնոուբորդինգի սիրահարների համար առկա է 27 կմ ճանապարհ և 6 վերելակ հյուրերին տեղափոխելու համար։ Ծաղկաձորի բազկաթոռային ճոպանուղին գտնվում է Թեղենիս լեռան արևելյան լանջին՝ ծովի մակարդակից 1966 – 2819 մ բարձրության վրա։
Ճոպանուղին վերահսկվում և շահագործվում է Leitner ընկերության կողմից։
Սկզբնական շրջանում ճոպանուղին բաղկացած է եղել 3 վերելակներից, որոնք ձգվում էին լեռան ստորոտից (1969 մ) մինչև լեռան գագաթը (2819 մ), իսկ առաջին և երկրորդ վերելակները ավարտվում էին համապատասխանաբար 2234 մ և 2465 մ բարձրության վրա: Այնուհետև, 2006թ․ ավաելացվեց 4րդ վերելակը, որը ձգվում է առաջին վերելակի վերջից դեպի հակառակ բլրի գագաթը։ Այսպիսով, փաստացի ավելացվեց երկու սահուղի, երկուսն էլ ձգվող դեպի լեռան ստորոտ:
Ճոպանուղու առաջին հատվածը 4 տեղանի է, իսկ մնացածը՝ երկտեղանի։ Ներկայումս, թե ճոպանուղին, թե սահուղիները զինված են լավագույն տեխնիկայով և սարքավորումներով։
Ծաղկաձոր Լեռնադահուկային Հանգստավայր – Գնացուցակ
Եկեք միասին ծանոթանանք Ծաղկաձորի լեռնադահուկային հանգստավայրում առկա գներին։
Գնային մանրամասն տեղեկատվություն ստացեք ներքևում առկա գնացուցակում։
Ձմեռը Ծաղկաձորում – Ձմեռային մարզաձև
Ձմեռը Հայաստանում սկսվում է նոյեմբերի վերջին / դեկտեմբերի սկզբին։
Ձմեռային արձակուրդները Հայաստանում հիշարժան են, հատկապես լեռնային շրջաններում, մասնավորապես՝ լեռնադահուկային հանգստավայրերում, որտեղ առկա են բոլոր հնարավորություններն ու պայմանները էքստրիմի սիրահարների համար։
Ցանկանում ե՞ք իմանալ՝ երբ է ձմեռային սպորտաձևերի՝ մասնավորպես լեռնադահուկավազքի, իրական ժամանակահատվածը։
Սովորաբար Լեռնադահուկային սպորտաձևի սեզոնը Ծաղկաձորում սկսվում է դեկտեմբեր կեսերից և շարունակվում մինչև մարտ ամիս, երբեմն նաև մինչև ապրիլ։
Դեկտեմբերից հունվար ընկած ժամանակահատվածում Ծաղկաձորում ջերմաստիճանը տատանվում է +3 °C-ից -10 °C: Այստեղ ձյան տեղումներն առատ են հատկապես դեկտեմների կեսերին, և մնում մինչև փետրվարի վերջ։
Այսպիսի բարենպաստ եղանակային պայամաննների շնորհիվ, դահուկները, սնուբորդը և սահնակները դառնում են հասանելի ամբողջ ձմռան ընթացքում։
Ձմռանը Ծաղկաձորում Դուք ստանում եք հնարավորություն բացահայտելու Հայաստանի հրաշագեղ բնությունը յուրովի։ Ինչպես տեսնում եք ձմեռային հանգիստը Ծաղկաձորում, առավել քան որևէ եղանակի հրապուրիչ և էքստրեմալ է։
Այսպիսով, Ծաղկաձորը հետաքրքիր ժամանցի և անմաոռանալի արձակուրդների համադրման իդեալական տարբերակն է։
Հյուրանոց Ծաղկաձորում
Ձեր ձմեռային արկածները և հարմարավետ հանգիստը կդառնան էլ ավելի կատարյալ Ալյասկա Ռեզորթում։
Գտնվելով Ծաղկաձոր քաղաքի հենց սրտում՝ լեռնադահուկային հանգստավայրի մոտ, Ձեզ ընձեռվում է հնարավորություն համադրել էքստրեմալ արկածները, հարամարավետ հանգիստը և յուրօրինակ կովկասյան խոհանոցը։
Առավել մանրամասն տեղեկատվություն հյուրանոցի առավելությունների և ընձեռած հնարավորությունների վերաբերյալ գտեք այստեղ։
Դե ինչ, սիրով սպասում ենք Ձեզ հյուրընկալել Alaska Resort-ում։
